تحلاية الشوكولاتة المحشية بالكريمة بدون فرن

طريقة التحضير

• تحضير الخليط
• في وعاء، اخفقي البيضة مع الفانيلا لوحدها أول شي، حتى تتغلّف البيضة بالنكهة.
• أضيفي السكر واخفقي حوالي دقيقتين حتى يذوب تماماً.
• أضيفي الزيت وقلّبي تقليبتين، ثم أضيفي الحليب وحرّكي.
• انخلي فوق الخليط الكاكاو، والطحين مع رشة الملح والبيكنج باودر.
• اخلطي بالمضرب اليدوي حتى يصير الخليط ناعم وخفيف متل خليط البان كيك، وأخف شوي من خليط الكيك العادي.
• الخبز بدون فرن
• سخّني مقلاة غير لاصقة على نار معتدلة، بدون ما تدهنيها بالزيت.
• بربع كوب، اسكبي الخليط بنص المقلاة، حتى تطلع كل الحبات بنفس الحجم.
• اتركيها حوالي دقيقة ونص لحتى تبيّن الثقوب على الوجه وينشف تماماً.
• ارفعي الحبة بدون ما تقلبيها، وحطيها مباشرة على نايلون غذائي أو فوطة مطبخ وغطّيها فوراً حتى تضل طرية. كرّري لحتى يخلص الخليط.
• تحضير الكريمة
• بوعاء الخفق، حطي بودرة الكريمة وحليب البودرة والماء المثلّج، واخفقي لحتى تصير الكريمة كثيفة ومتماسكة.
• عبّي الكريمة بكيس حلواني لتسهيل الشغل.
• الحشو والتزيين
• خذي حبة، وحطي كريمة على نصها، وطبّقي الطرف التاني فوقها لتصير متل الهلال.
• مرّري أطراف الحبة المحشية بجوز الهند المبشور لحتى تتغطّى الأطراف كلها.
• زيّني الوجه بخطوط من الشوكولاتة المذابة ورشة فستق حلبي، وصحتين وعافية!